ஒரு கலப்பரிவின் முடிவுக்கும் அடுத்த கலப்பிரிவின் முடிவிற்குமிடையே ஒரு கலத்தினுள் நடைபெறும் சகல தொடரான நிகழ்வுகளும் ஒருங்கே கலவட்டம் என அழைக்கப்படும்.
கலப்பிரிவின் இறுதியில் பெற்றார்க் கலத்தைப் போன்ற பிறப்புரிமை ரீதியில் ஒத்த இரண்டு மகட்கலங்கள் உருவாக்கப்படும்.
இனப்பெருக்கமானது இங்கிகளின் பெருக்கத்தை உள்ளடக்கும் இதற்காக கலங்கள் கலப்பிரிவுக்கு உள்ளாகும்.
தனிக்கல அங்கிகளில், பக்ற்ரீயாக்களில் கலப்பிரிவும் இனப்பெருக்கமும் பொதுவாக ஒன்றாகும்.
தனிக்கல அங்கிகளில் கலம் இலகுவில் இரு பாதிகளாக பிரிவடைந்து இரு புதிய கலங்கள் உருவாகும்.
பல்கல அங்கிகளில் இனப்பெருக்கம் அதிகளவு சிக்கலானது இவற்றில் தனித்துவமான இனப்பெருக்க உறுப்புக்களில் தனிக்கல புணரிகள் உருவாக்கப்படும்.
ஆண்களில் விந்தும் பெண்களில் முட்டையும் உருவாக்கப்படும் . இவை சேர்க்கையடைந்து கருக்கட்டப்பட்ட நுகத்தை உருவாக்கும். இதுவும் ஓர் தனிக்கலமாகும். இது தொடர்ந்து பிரிகையடைந்து பல்கலத்தினால் ஆன புதிய அங்கிகளை உருவாக்கும்.
கலங்கள் பிரிவடைவதற்கு முன்னர் பிறப்புரிமைச் செய்தியின் பிரதி தயாரிக்கப்படுகின்றது. ஒவ்வொரு பிரதியும் ஒவ்வொரு மகட்கலத்திற்கு வழங்கப்படுகின்றது.
புரோக்கரியோட்டாக்களில் பாரம்பரியச் செய்தி ஒரு தனியான வட்ட DNA இல் காணப்படும். ஆனால் இயூக்கரியோட்டாக்களில் வெவ்வேறு நீளமான நேரிய நிறமூர்த்தங்ளில் இவை காணப்படும்.